JOHANNESBURG, Sur Africa – E discurso anual pa e nacional di e presidente Sur Africano, Jacob Zuma, a caba diahuebs na golpi entre e diputadonan opositor y agentenan di siguridad di Parlamento, cu a expulsanan di e luga tras di un protesta ruidoso, ante e escandalonan di corupcion di e mandatario.
E diputadonan di e opositor Combatientenan pa e Libertad Economico (EFF) a perturba e inicio di e discurso di e presidente durante cerca di un ora, te cu e presidente di Parlamento, Baleka Mbete, a ordena nan na bandona e sala.
Mara na nan caracteristicanan di mineronan of di muhenan di limpmiesa, e diputadonan a nenga na esaki. E energico intervencion di mas cu trinta agente di siguridad, a provoca e caos.
“Dilanti nos ta sinta un homber totalmente corupto,” M. Malema, lider di EFF a grita den direccion di Jacob Zuma. “Abo ta un delincuente constitucional,” Mbuyiseni Ndlozi, otro diputado di EFF a añadi.
Na Maart, husticia a condena Zuma door di viola e Constitucion di a pone tesoreria pubilco a paga obranan di modernisacion di su cas priva na KwaZulu-Natal (oost).
E presidente a debolbe un parti chikito di e factura, cerca di mey miyon di euro. Pa motibo di e incidente Parlamentario, e principal partido opositor, Alianza Democratico, a bandona e Parlamento cu señal di protesta. Despues e presidente Zuma a tuma finalmente e podium.
“Por fin”, el a declara mientras cu el a habri, pa despues cuminsa cu su discurso.
Fuente: El Nacional