Studiante cu antecedente migratorio a wordo discrimina indirectamente p’e algoritmonan di Dienst Uitvoering Onderwijs (DUO). Asina un estudio di siguimento independiente, encarga pa un organisacion educativo a revela. E discriminacion aki a resulta ta probablemente mas hopi di loke a pensa.
E algoritmo di DUO tabata controla cu mayor frecuencia e studiantenan cu tabata biba mas cerca di nan mayornan. Sinembargo, e yiunan di mayor Turco-Hulandes y Maroki-Hulandes tin e tendencia di biba mas cerca di nan mayornan compara cu e studiantenan sin antecedente migratorio. Esaki a aumenta e probabilidadnan cu nan lo a wordo controla basa riba e algoritmo.
Den practica, e studiantenan aki tabata wordo considera como un riesgo di fraude dos biaha mas hopi compara cu nan compañeronan autoctono. Fuera di esey, nan tabata wordo selecta pa bishita domiciliario mas di seis biaha cu mayor frecuencia. E investigadonan a describi esaki como un ‘tendencia structural cla di parcialidad.”
Hasta e studiantenan sin riesgo di fraude tabata wordo someti na control adicional. Esunnan cu antecedente migratorio y un ‘riesgo abao’ tabata wordo investiga casi e dobel di biaha compara cu e studiantenan autoctono cu e mesun calculacion di riesgo.
E estudio di siguimento, realisa p’e organisacion independiente Algorithm Audit, a analisa con DUO a controla e studiantenan entre 2021 y 2023. E agencia a verifica si un studiante tabata ricibi legalmente un studiefinanciering pa esunnan cu tabata fia pafo di e hogar familiar.
Discriminacion evidencia den investigacion anterior
E estudio ta sigui un investigacion anterior di e aña aki tambe a mustra cu DUO tabata discrimina e studiantenan. E diferencia awo cu DUO a ricibi dato di CBS riba e antecedentenan migratorio di e studiantenan. Esaki a permiti Algorithm Audit vincula e datonan aki cu diferente etapa di e proceso di control di DUO. E organisacion a constata basa riba e analisis di e datonan aki, cu e algoritmo a opera cu parcialidad.
Na juni 2023, NOS op 3, a investiga Hoger Onderwijs Persbureau a descubri cu e studiantenan cu antecedente migratorio tabata gelabeled como fraude di manera desproporciona. Un encuesta n’e abogadonan cu tabata representa e studiantenan cu a apela den caso di fraude, a revela cu na 97% di e casonan tabata trata di Hulandes cu antecedente migratorio.
Como reaccion, e minister di Educacion, Robbert Dijkgaaf a ordo DUO para di inmediato e uzo di algoritmo pa controla e studiantenan cu tabata biba pafo di e cas familiar y tabata ricibi beca. Te ora cu conoce e resultadonan di e estudio, e agencia, solamente por uza muestra varia pa nan control.
Dijkgraaf a ofrece disculpa den nomber di e gabinete y a anuncia e estudio di siguimento cu awo a completa.
