CARACAS, Venezuela- Despues di varios hora di rumor, finalmente e noticia di cu Saleh a wordo laga den libertad, a wordo confirma. Saleh a wordo manda Spaña como “alternativa na privacion di libertad”, despues di a manifesta un supuesto conducta suicida.
Pa medio di un comunicado di e Comision di Berdad, gobierno a anuncia e medida.
“E recomendacionnan formula a wordo ricibo for di e organonan efectivo y a acorda medidanan di precaucion sustitivo pa Lorent Saleh. E ciudadano en cuedstion a wordo traslada pa Spaña den compania di autoridadnan di gobierno di e pais aki riba peticion di su señora mama”.
Algun hora prome, Theresly Malavé, abogado defensor di Saleh a confirma cu e hoben a wordo laga den libertad despues di a pasa cuater aña deteni na Sebin.
E hoben Saleh, dirigente opositor a wordo deporta for di Colombia door di e gobierno di Juan Manuel Santos.
Na september 2014, gobierno di Nicolas Maduro a acusa Saleh di ta dirigi entrenamentonan paramilitar na Colombia pa despues ehecuta atentadonan na Venezuela. Tambe Saleh a wordo liga door di gobierno Venezolano na e ex presidente Colombiano, Alvaro Uribe.