E proyecto mas grandi di e fundacion, tabata e cambio di edificio pa yega mas cerca di su clientenan. Pero pa loke ta e parti preventivo manera I love my body tin hopi plan, segun directora di e fundacion, Evelyn Yarzagaray.
E proyecto mas grandi durante e aña aki no a bay segun planning. Tabata tin’e den pipeline si, y a bin mas lihe cu a spera cu tabata e cambio di edificio. A concentra hopi riba esaki y pa haci’e un structura hopi mas faborabel pa e clientenan tambe. E parti di e consulta cu ta un tiki mas intimo entre coleganan y e cliente, a enfoca hopi riba dje. Ta sumamente importante pa brinda un servicio di calidad halto. Esey ta locual cu primordialmente a bin ta enfoca awor aki riba dje. E clientela a subi masha hopi mes y kier laga nan sinti mas comodo.
E ta sigui splica cu locual cu ta bin na caminda, ainda ta un sorpresa. Pa awor aki a enfoca riba e localidad nobo y pa brinda, e miho servicio y producto na e clientela. Ta spera cu nan por sinti nan mes hopi mas comodo y e ta hopi mas confidencial tambe, esta e localidad.
Carnaval ta grandi. Lo bay haci un cambio grandi pa esaki. Esey ta locual cu por bisa te asina leu. No ta bay ta nada cu no ta custumber di Famia Planea.
E parti financiero tin basta planes pa traha riba esaki pa asina sigui brinda e servicionan pa esnan cu mester di dje.
Ta drentando un era nobo pa loke ta Famia Planea, despues di 45 aña. E aspecto financiero no ta facil. Pero pa por ricibi tin cu duna y pesey tambe ta dunando lo maximo di nan pa por laga e cliente sinti cu e siguransa cu nan tey pa brinda nan, e counseling cu nan tin mester, e producto cu nan tin mester cu nan ta conta riba dje, pa Famia Planea ta hopi importante. Pesey ta enfoca riba e calidad. Una bes cu por brinda e cliente e calidad cu nan ta spera y ta sinti nan mes comodo, esey lo drecha un parti e aspecto financiero. Famia Planea ta conoci cu ta cobra un suma hopi chikito pa miembrecia y a bin ta adaptando vooral den transcurso di e lunanan cu a pasa, cu a bin ta adapta cierto prijs, hisando e contribucion pa asina por mehora servicio tambe. Tin servicionan cu tabata completamente gratis cu awor aki tin cu paga un suma chikito pe, pa asina por sigui cu drecha e ambiente cu por ricibi e cliente aden. No ta bay paga un suma astronomico, pero ta paga un fee pa asina bo por goza tambe di tur e beneficionan cu esaki ta bay brinda pa e cliente. Esey ta cierto cambio y strategianan nobo cu ta implementando tiki tiki, pa asina por acomoda e cliente un poco mas, Yarzagaray a splica.