Sra. mr. Luenne Gomez – Pietersz, Directora di Departamento di impuesto a splica cu tin un dia caba, no solamente awe, 15 di Februari, pero for di comienso di siman y un dos siman pasa, caminda cu deadline di pago pa motorrijtuigbelasting, tabata dia 31 di Januari, cu clientenan a yega na gran cantidad pa haci e pagonan stipula den ley. A hala e deadline di dia 31 di Januari pa dia 15 di Februari. E clientenan a responde pa e pago. Ta wardando riba e cifranan te cu awe, door cu ta deadline, pa mira cuanto cliente a cumpli pa e loke ta e pago di e prome dos kwartaalnan y cuanto cliente falta pa cumpli, pa asina por wak kico e cifranan ta bisa y duna minister conseho kico ta haci despues di awe. Tin un indicacion si cu tin clientenan ta bin na gran cantidad pa paga. Ta wardando riba e cifranan pa mira kico ta kico.
E cambio di ley a tuma luga fin di aña, caminda cu e clientenan mes a indica cu nan no a wordo informa debidamente y na tempo, y a trece frustracion cerca e clientenan, cu kier cumpli na tempo pero no a haya e informacion aki. Departamento di Impuesto kier a duna e flexibilidad door di compronde e situacion di e cliente y duna tambe tiki flexibilidad ora ta trata boet pa incumplimento pa motorrijtuigbelasting. No lo impone boet, pa tur hende por cumpli y custuma cu e cambio manera cu e ta, segun ley.