GUAYAQUIL, Ecuador – Gavis Moreno, director di e Centro di Privacion di Libertad Femenino di Guayaquil, ciudad di e costa di Ecuador, a wordo asesina diamars anochi, algun minuut despues di a sali for di su trabao.
Victor Araus, hefe di e Direccion Nacional di Delito contra di Bida, Disparcion, Extorsion y Secuestro di Persona (Dinased), a informa cu e hecho a sosode riba e caminda Perimetral di Guayaquil, na altura di e brug cu ta conecta e camina cu Daule. Esaki a sosode ora cu Moreno, di 46 aña tabata bayendo den direccion di su cas den un auto oficial cu su chauffeur.
Araus a splica cu e auto a wordo intercepta pa dos suheto a bordo di un brommer, cu a tira contra di e pasaheronan. Moreno a ricibi 12 impacto di bala y su compañante a wordo alcansa pa un proyectil na altura di abdomen.
“Ta kere cu e brommer a sigui e truck for di ora cu el a sali for di e prizon pa hende muhe”, segun Araus, cu a señala cu e asesinonan a probecha “di algun tipo di congestion”, ora cu e auto a slow down, pa a comete un delito.
E chauffeur, herida, a logra yega te na e hospital Universitario di Guayaquil, unda cu Moreno a wordo yuda, pero el a fayece.
E minister di Husticia, Derechonan Humano y Culto, Rosana Alvarado, a bisa cu “a cuminsa cu e investigacionnan y e buskeda incansabel di e criminalnan”.
Den declaracionnan na prensa, Alvarado a bisa cu nunca el a haya un reporte, alerta of menasa cu Moreno por a haya, p’esey “e forma cruel con un hende muhe a wordo asesina, un atake hopi cobarde na un hende muhe cu tabata stima pa e presonan”.
Fuente: https://actualidad.rt.com