E meta cu a lanta Aruparking un aña pasa awe, por wak un Oranjestad full organisa y ordena pa para auto segun Teo Croes.
Na cuminsamento esaki tabata dificil. Tabata tin hopi contratiempo, pero a bin ta supera esaki pida pida y por papia cu awor aki ta canando manera mester ta. E aceptacion ta grandi caba. Cada biaha ta mira cu cada biaha e bezetting ta subi. Tambe ta ripara cu e meta principal di locual pa Aruparking a wordo funda pa siguridad y accesibilidad di caya grandi. Esey ta mirando awor aki cu ta duna su fruto. Si mira con caya ta awor aki, e ta mustra un caya full ordena. Por wak e peliger di e peatonnan no ta existi manera cu e tabata prome, cu auto no ta para riba acera y tambe e paramento na skina, etc. Tur eseynan a wordo elimina, cu e ta evita accidente. Tur cos ta mustra riba un ciudad mas organisa. Por wak cu e ta refleha un organisacion y si wak tiki mas pafo, ainda tin un caos. Esey ta demostra cu e tin su fruto. El a mustra cu e tin su derecho di existencia pakico el a wordo funda.
E otro ta accesibilidad pa caya grandi. Cada biaha ta mira mas y mas e bezetting ta subi. Por observa ora cu core e parti pabao di caya semper ta full bezet. Ta ora cu bay mas pariba, e ta cuminsa drop. Pa Aruparking esaki ta logrando su meta.
E problemanan ta disminui pero toch tin hende ta tuma riesgo di para un rato toch na skina y nan ta wordo geklem. Pero esaki a baha hopi. Ya e hendenan ta acepte mas y ta mas conciente di dje. Ta purba di duna mas informacion posibel. E parkeerwachternan mes, vooral cu turista, ta pending pa ora un hende bay para, cu nan tin cu paga pa asina evita pa nan tambe tin inconveniencia. E idea no ta pa castiga hende, e idea ta pa duna un servicio y eynan Aruparking kier yega.