Pa yega na un punto pa busca sindicato, por tin problema ta pasando cu trahadonan a dicidi di bay haci esaki. Tin desaroyonan pasando den Aruparking cu tin e trahadonan preocupa.
Director di e entidad, Teo Croes,, a splica cu tin 28 trahado, 11 a vota y nan kier algo mas. Nan kier aumento, nan kier diferente beneficio. Aunke a papia cu nan cu nan ta bezig trahando, pero asina mes a dicidi di bay sindicato, cual ta un derecho di cada ken. Tin biaha tin un CAO firma, tin paz laboral tambe. Esey no ta un problema y ta un derecho democratico y di cada ken y pa Aruparking no ta un problema. Pero e tin cu bay manera mester bay, segun regla.
Den e caso di Aruparking su referendum, tabata tin un persona den proeftijd cu no mester a vota. E manera di sinta regla esaki ta na mesa, segun Teo Croes.
Aruparking no tin problema di finansas. E tin su margen chikito di ganashi, pero e tey.
El a sigui splica loke por duna ta duna y loke no por duna, ta bisa cu no por duna.
Segun Diego de Cuba, Arubus y Aruparking ta e mesun compania. Na varios ocasion, Croes a splica cu Arubus ta Arubus, Aruparking ta Aruparking, y Arutram ta Arutram. Nan no ta cay bao di e mesun CAO, etc. Cada compania tin cu carga su propio responsabilidad. Por ehempel Arutram ta cu SEPPA, Arubus ta cu STA y awor aki Aruparking ta bayendo cu STA. No ta cuestion cu ta mesun cos, segun Croes.
- Latest
