Sr. Rubern Goedhoop ta e director nobo di AZV, y e ta elabora di e retonan grandisimo cu e lo tin na AZV.
E tin un luna na AZV, no como director formal y esey kiermen cu e tin un responsabildiad inmenso grandi. E tin un responsabilidad di trece un servicio na e pueblo, na e clientenan, pashentnan di AZV cu nan merece.
Den su opinion e t’ey caba, pero tin mehoracion posibel. Su retonan ta pa wak unda por mehora y hasta mas, con AZV por opera, con ‘nos’ como Aruba, como dunado di cuido, por opera. Con ‘nos’ como cuidado di cuido den exterior, por opera. Semper den servicio di Aruba ye sey ta responsabilidad grandi. Y ta tum’e cu honor, pero stap pa stap, ya cu no por haci tur cos pareu.
Como un persona ‘afo’ di AZV di un forma, awo cu e ta paden, e ta wak su coleganan di AZV nan tin pasion pa nan trabao, pa nan e pashentnan. Tur dia, cada dia, yuda cliente pa e bay dilanti, pa e po mehora nan situacion. E pasion ey ta hopi importante, esey ta uno. Y e di dos, nan sa kico nan ta papia. Nan sa kico nan ta papia. Nan tin e ley, nan sa e ley, AZV tin su posibilidadnan, kico nan por haci, kico no por haci. Y nan ta professional den e area ey. Esey ta dos cos cu nan por ripara, cual ta haci’e orguyoso. Esey ta dos puntonan cu ta forma e fundeshi di AZV.
E dia di mañan, cu e no t’ey, e operacion ta sigui. AZV tin su fundeshi, pero awo mester busca pa bay na e siguiente nivel, pa wak unda AZV ta aki paar di aña, pa wak unda nos Sistema di cuido ta.
E dispidia di Sr. Anko Ringeling, ta uno cu tur hende a wak ta bin, pero na mes momento ta sinti cu e ta algo, un banda bo ta sinti’e, pero toch ainda e ta disponibel su consehonan y input. Esey ta duna AZV na total, hopi rust. Paso si mester, por yam’e un rato y esey lo tuma sigur den e lunanan nos dilanti. Pero dado momento, mester sigui padilanti y bay den direccion cu mester bay como pais y como AZV sigur.