E proyecto di strandverbetering of mehoracion di calidad di beach for di Cas di Gobernador direccion pa veld di aeropuerto tabata un proyecto unda cu ta bay cleanup e beach, e santo den lama mes y a saca diferente lodo y diferente blokinan di motor, diferente otro artefacto cu den e ultimo 50 pa 60 añanan cu a wordo deposita eynan. Nan a wordo saca y alabes DOW a transporta como 1000 yarda di santo blanco pa yuda mehora e calidad di beach, calidad di awa, tur e area eynan. El a duna na prome inicio bon resultado. Tin di compronde cu el a bira piedra atrobe, pero e tin di haber tambe cu e coriente di lama.
Con e ta comporta su mes y nos beachnan ta hopi dinamico, a base di coriente di lama cu e ta hiba e santo, trec’e bek y esey e patron e ta trece y cuanto periodo e ta tuma tin cu haci un bon estudio riba dje pa por pronostico ki dia ta bay pasa den e periodo aki y ki dia e ta drecha bek y kico por haci pa mitiga e problematica aki.
Mayoria di esaki ta naturalesa, segun Croes. Si nos wak e beach for di Dutch Village, bay direccion di Eagle Beach, ta un beach cu segun coriente di lama cambia, e ta trece santo, caminda cu ta haya beach hopi hancho mes y tambe ta haya un periodo cu ta haya cu coriente ta hiba e santo otro caminda y e ora e beach ta bira chikito. Tin cu wak’e ki ora e ta haci e beach chikito y kico ta e medidanan cu tuma, pa mitiga esaki, pa no stroba e operacionnan di hotel den e area, segun Croes.
El a sigui splica cu e ta parti di nos naturalesa. Pesey DOW, hunto cu e otro departamentonan, ta bezig ta combersando cu un compania cu ta haci estudionan riba tema di beach y e ora ey pa nan por bin cu un modelo cu por simula e cambionan den tempo y pa asina tuma e medidanan preventivo y mitiga esaki.
DOW a defini Surfside te na Cudarebo y a base di esey por haya sa kico e ta y pa por mitiga con pa keda cla, segun Croes.