Luis Oduber, director di WEB Aruba NV a splica riba e sorpresa cu Gerencia a haya di e trahadonan di WEB y sindicato SIWA riba un desroyo cu ta pasando interno den WEB, siendo cu esaki no ta loke a avisa gerencia. Oduber a splica cu el a wordo informa cu lo tabata tin un reunion informativo y cu e meta di e reunion tabata pa haya sosten di e miembronan di SIWA pa participa na un manifestacion cu tin planea pa e siman aki contra criminalidad. Diabierna mainta a bin trabao, manera semper y dado momento a compronde cu e reunion a cambia den un sorto di manifestacion, caminda cu cierto declaracionnan a sali, cual ta hopi lamentabel. Pesey kier a aclarea di parti di gerencia, kico a sosode.
Esaki tabata un reunion cu a wordo yama pa haya e mandato pa sindicato participa na e manifestacion diahuebs awo, pero dado momento el a cambia den un manifiesto, no a yam’e si un walk out, contra gerencia y hasta contra minister di utilidad. Gerencia di WEB ta hay’e ta duna su splicacion kico segun nan ta sosodiendo y un aclareacion di e situacion den WEB. Algun palabra cu nan a scucha cu gerencia ta sumamente arogante y riba esey kier a reacciona. E palabra arogante ta nifica hopi. Ta hiba un maneho sano. Cierto caso no ta gusta, esey no necesariamente un hende mester ta arogante. Ta un pensamento di otro y esey naturalmente a pidi un aclareacion di sindicato. A reuni cu nan diabierna merdia pa haya sa di nan puntonan di preocupacion.
Tambe a wordo menciona cu lo bay drenta den momentonan poco fastioso. Di banda di gerencia ta garantisa cu no tin nada di nan banda, caminda cu lo por conduci na momentonan fastioso. Esey no ta cla kico nan kiermen cu e palabranan ey.
Loke si kier grantisa y pone enfasis riba dje ta cu di parti di gerencia, berdad mester remarca cu algun siman atras, a yega na conocimento di e director cu tin cierto partinan di e planta y cu tin cu remarca, ta partinan di infrastructura, esta porta, muraya, algun instrumento cu tin cu wordo drecha, pero no ta nada critico, caminda cu ta pone cu e planta ta pone bida di hende of e planta mes na peliger.
Tin hopi ta ser haci den e planta y semper ta pone loke mester haya e atencion prome cu bay na duna otro cos atencion pa cual aki Oduber a splica con e sistema di matencion ta bay den WEB.
Algun siman atras a bay cana den planta y a traha un lista cu lo wordo repasa hunto cu operacion y mantencion y pone prioridad riba trabaonan cu ta wordo haci prome. Mayoria di nan ta canando caba, segun Oduber y tin algun otro trabaonan cu kisas tin menos prioridad, pero cu tambe lo wordo haci. Tin un cierto cantidad di empleado, dus e prioridad lo bay wordo poni den ki secuencia e trabaonan lo wordo haci. Tambe a wordo menciona cu ta conoci, cu lo bay tin un CFO cu lo drenta servicio di WEB na comienso di October, segun Luis Oduber, director di WEB Aruba NV.