Ta di lamenta cu tin palabracionnan haci pa cu e tema di CAO y toch e sindicato ta sali bisa cosnan den medionan di prensa pa cual aki director di WEB, Luis Oduber a splica.
Nada mas lo bay cambia pa loke ta sea awor aki, si referi na dje como un bloki. Den un organogram cu ta Director general. Esey ta bay wordo parti na dos. Lo bay tin un Chief Operations Officer y un Chief Financial Officer y bao di e bloki eynan, manera cu a wordo referi na dje, ta keda mesun cos cu e ta actualmente. Ta bay keda e cinco managernan y tur e otro departamentonan. Practicamente, den operacion ningun hende no ta wordo movi for di ningun caminda. E maneho ta keda den man di e mesun team di maneho, encabesa pa CFO y director mes.
Pa loke ta e situacion di planta, por reitera cu a sali expresionnan cu ta den cutcorners. Por bisa enfaticamente no ta berdad. E plantanan mes tin proteccion di siguridad cu na momento cu algo no ta bon, e mes ta shotdown. No ta asina cu ta cutcorners. Coleganan di operations no lo acepta e planta asina ey y tambe esnan di mantencion no lo entrega un planta cu no ta safe. Ta tratando e plantanan cu ta draai riba speednan hopi halto, temperaturanan halto, presionnan halto, caminda cu no ta bay corta skina, djis pa e planta lanta na tempo of pone bida of ekipo na peliger. Esey absolutamente no ta berdad. Loke tambe a sali ta cu aunke mester menciona cu ta drentando un negociacion di CAO. Lamentablemente tin cu bisa cu tin un protocol firma, caminda cu a palabra cu no ta comunica na prensa ni na comunidad riba e progreso, pero si mester retira pasobra cierto palabranan a wordo menciona den prensa, refiriendo cu no ta spera nada pa e CAO aki y cu gerencia a bin cu e excusa cu cos ta frega. Tin cu remarca cu a bin ta bisa pa basta luna caba y tambe durante reunionnan cu tur empleado cu e situacion na WEB ta sano. E situacion financiero ta sanea. Ta evaluando potencial reduccion di tarifa na comunidad y no ta asina cu e situacion ta malo. Financiadonan tin tur cifra y tur ta di acuerdo cu e situacion na WEB ta bon y no tin motibo pa trece panico den pueblo innecesariamente. Bisando esaki, e director no lo bay papia mas riba CAO y ta respeta e protocol cu a firma, pero ta djis aclarea cu e situacion no ta preta, manera palabra ta ser uza, segun Oduber.
Ta opera y ta garantisa pueblo cu di parti di gerencia y e team lo keda produci e mesun calidad di awa y energia manera semper a haci y tambe brinda e servicio na comunidad lo miho posibel, segun Oduber.
Tin discusionnan interno y eseynan ta di lamenta cu ta sali afo, pero ta parti di e trabao cu internamente mester sinta na mesa y sali for di e diferencianan aki di opinion.