Diamars ultimo e Director di Wardacosta Frank Boots, a haci su prome bishita di trabou na Aruba. Awor cu e biahe entre Corsow y Aruba a bira posibel atrobe e director a bishita e punto di sosten di Wardacosta na Aruba. Frank Boots a keda instala como director nobo di Wardacosta den augustus 2020.
Durante di e bishita di trabou, e director a cera conoci cu e personal di Wardacosta y a combersa cu nan. Bou di guia di director di punto di sosten na Aruba, Randy Paskel e la haya un bista di e oficina na Aruba y tambe nan a combersa tocante diferente topico importante. E director a hiba un bishita tambe na Gouverneur sr. Boekhoudt, Minister President sra. Wever-Croes y Minister di Husticia sr. Bikker.