CIUDAD DE MEXICO, Mexico – E vice presidente di Telecomunicacion di e Grupo Mexicano Televisa, Adolfo Lagos, a wordo asesina diadomingo ora cu e tabata coriendo bicicleta riba un caretera di e central di Estado di Mexico, segun ministerio publico a informa.
Lagos, di 69 aña di edad y ex director di Banco Santander, tabata ariba su bicicleta ora cu e la wordo herida pa un arma di candela dor di desconocinan. El a wordo hiba pa un hospital, unda cu lamentablemente el a fayece.
Lagos, subrino di e legendario bankero Mexicano Enrique Espinosa Yglesias, desde 2013 tabat ocupa e cargo di vice presidente corporativo di telecomunicacion di Televisa y tabata director di general di e sistema di television via cable Izzy.
Grupo Televisa a publica ariba nan cuenta oficial di Twitter un mensahe unda cu nan ta lamenta profundamente e morto di e director general di Izzy, sistema di television ariba cable propiedad di Televisa.
Fuente: https://www.infobae.com