Sr Henley Davelaar cu ta e director di Serlimar durante conferencia di e firmamento di e letter of commitment entre Gobierno di Aruba, DOW y Serlimar, tambe a hiba palabra y ta netamente cu e parti di e vision cu Serlimar tin pa garantisa e pueblo di Aruba cu un medio ambiente saludabel. Banda di e incinerator cu nos ta bay maneha di DOW mester tin cu Serlimar a amplia henter e ekipo cu un sistema extra y un dryer. Sr Davelaar a comenta cu e dryer lo traha manera cu e material drenta e ta kima e parti sushi y esei ta haci eficiencia di ekipo mucho mas halto y practicamente cu 50 % ta baha e cantidad di persona cu mester wordo usa y ta haci henter e proceso inceracion mas lihe.
Na momento cu e sludge drenta e incinerator esaki ta bay paralel cu un air polution control system pa ora di bay den aire no tin ningun material toxico, y no por mira nada di huma sushi cu ta saca gas toxico, parti paden na e planta ta bay ta un area completamente higienico y saludabel tanto pa e trahado y e comunidad. Sr Davelaar a sigui menciona cu na momento cu e sushinan wordo kima, sludge, cadaver, cosnan di medico, material cu a expira cu ta carni, documentonan convidencial y mata na momento cu nan wordo kima e shinishi por wordo usa como mest, pa hendenan cu ta haci agricultura por usa esakinan bek.