Director di Serlimar Sr Henley Davelaar durante un conferencia di prensa a splica mas riba e welga cu tabata tin parti mainta di e coleganan. Sr Davelaar a menciona cu dialuna marduga el a haya un mail di sindicato STA caminda nan ta duna nan preocupacion riba algun punto y aconsecuencia di esei lo tin un welga.
Sr Davelaar a haci acto di presencia na Serlimar na Kockstraat y a papia cu presidente di sindicato Sta y a tuma nota di nan carta y e puntonan y ta lamenta cu ta reacciona asina den un accion den corto tempo y ta welga mainta. Ta asina e puntonan cu tin riba e carta nos ta den combersacion caba cu sindicato di basta tempo y tin e puntonan atencion debido y na momento cu a indica esaki a bisa cu e welga ta stroba nos operacion y ta poniendo hopi atencion na e operacion di Serlimar y e atencion na clientenan y e inovacion cu ta biniendo cune pa cu e mundo di desperdicio y Sr Davelaar a bisa cu esaki lo redunda den un huicio sumario. E momento ey den nan seno a bisa cu ta habri porta di e tereno bek y unda trabounan y operacion por continua.
Abase di esaki sindicato a manda un carta pa director di Serlimar y a informa cu nan no ta para tras di e welga y e trabounan mester wordo reanuda. Sr Davelaar a bisa cu nan ta tuma debido atencion na cualkier preocupacion cu tin den e empresa pa resolve cualkier inkietud cu tin bou di nos coleganan.
Sr Davelaar a bisa e afan pa mehora e servicio na comunidad e trucknan nobo a yega Aruba siman atras y dialuna a logra di sacanan pa preparacion pa subi caya. Nos tabata tin un cantidad di personal nobo y abase di esaki tabata tin algun inkietud den e coleganan cu nan por ta di e nacionalidad aheno y locual no ta e caso, y tur hende cu nos tuma nos tin un debido investigacion y tur hende cu keda tuma mester tin nacionalidad Hulandes y naturalisa aki, esaki ta algun di e puntonan cu Sr Davelaar a menciona cu tabata para den e carta.