Director di Serlimar Sr Henley Davelaar durante un entrevista a informa cu nan ta hibando un maneho cu cualkier otro compania cu nan operacion diario unda bo tin bo debenan y entradanan. Den caso di Serlimar no ta diferente nos tin gastonan cu aña aden ta keda mescos y gastonan variabel y ta purba na hiba e maneho di tal responsabel cu nos ta cumpli cu tur nos debernan. Sr Davelaar a menciona cu nos Serlimar tin su debitornan y ta spera cu nan cumpli cu nan parti di obligacion y tin e parti di tarifa residencial cu te ainda nos no a haya e reaccion cu ta di spera. Mester bisa cu nos ta keda cu nos campaña di informacion cu nos ta concientisa e comunidad cu e ta un deber di ambos banda nos tin e compromiso door di duna e servicio mescos cu tur siman nos tin un servicio puntual di recoge e sushi y asina nos ta spera e compromiso di e pueblo tambe pa cumpli cu su parti.
Sr Davelaar a duna di conoce cu e porcentahe a sali bon aña pasa despues di e campañanan contra di Serlimar y e ley di Serlimar e comportacion di e pago a baha y na fin di aña a registra 20 % di e totalidad a paga cu tog ta un porcentahe hopi abou. Serlimar lo keda haci su campaña di concientisacion pa laga pueblo sa e importancia y contribui cu e parti di pago y netamente pa nos por garantisa un continuidad di servicio y manera a bin ta haci esaki. E calidad y servicio cu nos tin y kier eleva esaki na e siguiente nivel pa ora cu un cliente yega na nos helpdesk y nos hendenan amabel lo t’ey pa bringa servicio.
Tin henter un cadena di procesamento di sushi cu ta bin despues, unda esaki ta pasa den proceso di separacion pa na final di dia esaki keda dera na Ser’i Tijshi y ta un operacion cu ta exigi hopi gasto y esaki den nos manera di opera tin cu haye bek sera di comercio of pueblo, y aki ta unda nos kier busca e balans locual cu nos tin cu paga y haya na entrada.