WASHINGTON, D.C., Merca- President di Merca, Donald Trump a retira e Director di FBI, James Comey for di su puesto, segun un informe di White House.
Comey tabata director di e agencia di investigacion for di September 2013.
Siman pasa, den Congreso Comey a haci un fout bisando cu e ex- ayudante di Hillary Clinton, Huma Abedin, a “manda miles” di email pa e laptop di su casa y e oficina di investigacin ta buscando manera di limpia nan eror, segun fuentenan.
Segun Comey, e emailnan di Clinton lo a wordo manda pa e casa di Abeding, ex- representante na New York, Anthony Weiner. Pero funcionarionan Mericano a bisa na CNN aña pasa, cu e miles di emailnan aki, controla door di FBI a yega na e computer di Weiner, pa medio di un sistema di respaldo di e telefon di Abedin.
Pero e testimonio di Comey, sin embargo a sugeri cu “miles” di emailnan a wordo manda deliberadamente for di Abedin pa e computer di Weiner. Aunke algun di e emailnan aki kisas por a wordo manda directamente for di Huma pa wordo geprint, e funcionarionan a declara na CNN cu e cantidad tabata hopi menos cu locual declara door di Comey.
Den un comunicado, White House ta informa cu Donald Trump a actua segun consehonan di e Procurador Interinol, General Rod Rosenstein y tambe di Fiscal General Jeff Sessions.
FBI ta un e institucionnan mas respeta y awe ta marca e comienso nobo pa un joya den aplicacion di ley.
Fuente: CNN