Diabierna mainta bao di liderasgo di e student counsel di e unidad di hospitality and tourism, a organisa un marcha desde nan unidad y bin na directie, caminda nan a trece un carta cu 10 diferente punto di atencion cu nan kier pa actua riba dje, den esencia di grupo di hoben, cu a adresa e tema manera cu e ta, bisando cu nan tin derecho riba educacion, segun director di DPS, Whitney Kock.
A complementa nan mas riba un opleiding di beroepsonderwijs, cu no solamente nan ta haya les di diferente tema, pero esaki ta contribui na formacion caminda cu nan ta para pa nan derecho y cu tur respet, bisa loke no ta bon, specificamente ki punto tin cu traha riba dje y despues di e entrega aki a invita e student counsel, cu ta consisti di cinco studiante, caminda cu e dos directornan, hunto cu Whitney Kock como director di DPS pa sinta. A palabra e momento ey e 10 puntonan cu nan a trece dilanti riba 9 di e 10 puntonan, directie EPI a haci afspraaknan concreto riba nan pa wak con ta atende nan.
Tabata tin un punto cu a trata e parti di lesnan cu lo a perde. Esey no ta nifica cu nan por bira e duppe di e situacion pasobra e cantidad di dianan den un aña escolar, no ta rek bira mas. A bisa nan cu depende di con largo e situacion ta sigui. Lo bay bek hunto cu e unitmanager, docente y student body council, cu a yega na acuerdonan y ta betrek diferente otro instancia manera Directie Onderwijs, pa wak con por soluciona esaki y cu nan no wordo perhudica. A trata diferente otro tema manera nan ta haya informacion laat pa e siguiente dia nan tey y a vocifera cu nan tin miedo cu si nan yega laat of si nan no bin door cu nan a haya informacion laat, esaki ta wordo conta cu nan ta afwezig. A duna nan siguransa cu esaki no ta un situacion normal, sino uno excepcional y lo duna tur cooperacion cu esaki no lo perhudica nan. Semper por yega na porta di directie pa cualkier cos, segun Whitney Kock, director di DPS.