Director di DPS, Whitney Kock, tabata tey presente na e manifestacion di e studiantenan di EPI. El a comenta cu su presencia awe ta pa duna atencion, pa duna sosten na e studiantenan, pa duna sosten tambe na e directiva di EPI. E ta contento di mira un grupo di hoben determina cu un meta nan dilanti na unda ta menciona cu kier les manera cu mester ta.
E ta sigui splica cu e ta aprecia e madurez di e studiantenan y e derecho aki a keda inculca, no solamente ta bin na e scol pa haya les, pero esaki tambe ta parti di e educacion mas ainda, unda cu bo ta na un MBO school. Kock a wordo puntra diahuebs, kico ta bay haci pa stop e hobennan pa bin. E di cu e no ta bay haci nada, pasobra e ta kere cu cada un tin e derecho pa por lo menos bisa kico e ta pensa y mas ainda e derecho di enseñansa. Esey lo mester ta e focus den e accion di e studiantenan. Con e ta wordo realisa, esey ta di aprecia. Kock a menciona cu e ta aprecia e carta cu ta bin dilanti y grita. Pero ta bisa cu esakinan ta puntonan specifico cu tin e hobennan preocupa y kier pa directiva atende. Esey ta e manera ora cu ta trece puntonan dilanti.
E directora, Irayka Yanez a splica cu lo tuma e puntonan na serio, segun Kock. E dos directoranan di EPI a haci esfuersonan sobre humano pa por lo menos parti di e scol por draai. E unidad di horeca, segun cu tin di compronde, tin mas complehidad pa loke ta trata un rooster. A bin version, a haya feedback, e no ta manehabel y e directora a menciona cu no por pone e coleganan traha cu e rooster aki y a acepta e retonan ey.
E docentenan no ta traha rooster diariamente, nan ta haci nan best y kier pa e studiantenan sostene nan den esey. Nan a cuminsa haci’e caba, door di e puntonan menciona pa por continua pasobra, manera cu a menciona, cada dia perdi, e lesnan mester wordo ingehaald. Hunto cu e studiantenan y e coleganan docente, mester bay wak, inventarisa con e daño ta pa e por wordo remedia. Una bes cu e version cu ta bin di e rooster aki keda cla, ta pidi cooperacion di e docentenan, mescos cu a haci, tira un bista riba dje, por draai, ta cuminsa cu na momento cu e situacion normalisa, tin e confiansa cu e lo haya un fine tuning y lo sigui. No haci nada no ta un opcion segun kock. Mester por cuminsa un caminda asina hunto ta logra tur meta.
Kock tin sigur cu tur e actornan aki tin esaki como prome prioridad y ta bay haci nan posibel na e scol pa brinda e miho educacion y pa continua haci EPI, e miho MBO den e region, Kock a bisa finalmente.
