Ta hopi trbao mes tin cu bay wordo haci pa drecha e planta di awa cu tin na Bubali Plas, segun director di DOW, Marlon Croes.
E ta sigui splica cu Bubali Plas ta dimenciona pa por procesa mas hopi. Bubali Plas a pasa den periodo cu ta bezig ta upgrade e planta den parti mecanico, electrico y proceso, unda kier bay cambia for di un cultura di mantencion corectivo pa un cultura di mantencion preventivo. Esey a trece cune cu tin cu haci basta trabao den e curva aki pa por yega eynan. Ora cu yega eynan, e planta lo ta mas stabil y un capacidad mas halto pa produci e calidad di awa cu ta buscando.
Croes a splica cu nos tin tres planta na Aruba, esun na Bubali cu ta traha for di e red di riolering cu nos tin. E planta di Parkietenbos y esun na Zeewijk. E planta di Parkietenbos ta wordo dedica pa e trucknan cu ta hiba awa di cas, por ehempel septic tank, beerput, etc cu por tin y eyden ta procese.
Esun di Zeewijk tin e liñanan di riolering di San Nicolas pega riba dje y tambe si tin algun truck e por bay eynan tambe. E uzo di truck mayoria biaha ta na Parkietenbos.
Tin cu menciona cu e sistema di Bubali ta hopi anticua, cu ta data for di 1972. Esey kiermen cu tin algun punto debil den e diseño cu tabata tin e tempo ey cu lo a traha bon. Nan tin un problema den un di e tankinan, pero por deal cun’e. E storingsfactoren a bira hopi mas menos, segun Croes.