Un rapport a wordo traha pa motibo di cu nan mas di un ocasion, y desde aña pasa Sr. Eduard Maduro, ta papiando cosnan di uitvoering y manera di traha di Douane, cu eigenlijk no mag di wordo saca. Si acaso e tin un otro opinion ariba esaki di e manera di traha, esaki ta wordo determina door di verificadornan di mas di 30 aña di experiencia. Y pa esaki el a wordo adverti na dos ocasion caba. Sr. Roderick Croes, director di Aduana ta amplia mas ariba esaki.
E trabao di Douane a bira hopi, Aruba a crece, turismo a crece, importacion a crece tambe. E trabao mester keda haci na un manera iciente. A bin cu maneranan di traha unda cu por traha bon, keda cu control den man sin cu ta perhudica nos economia. Y esaki ta locual Sr. Eduard Maduro ta treciendo afo den prensa.Ora cu’n persona huramenta como ambtenaar, e persona mester para pa ‘dienstgeheim’. Cosnan cu ta tende na trabao no mag di sali for di e luga. Den e caso di manera di traha, ta cosnan cu tin cu tene cuenta cu nan. Y niun ambtenaar no mag di sak’e. Y den caso di un sindicato, e no por haci uzo di su derecho di proteccion, su poder cu e tin, pa abusa di esaki y haci cosnan cu e no lo por haci como ambtenaar. Y esey ta locual a wordo bisa na Sr. Maduro.
Sr. Eduard Maduro, ta lider di sindicato pero e ta ambtenaar tambe. Pero den e caso aki, ta Sr. Maduro ta ambtenaar cu tambe ta lider di sindicato. A dun’e conseho pa haci e cosnan bon, pa motibo cu al fin y al cabo, ta un solo cuerpo. Tur tin un solo meta, traha y haci e trabao como debe ser. Nan tin nan derecho pero nan deber tambe. Y nan ta wordo paga door di e placa di e pagado di belasting, cu ta exigi pa haci e trabao como debe ser. Ta e pagado di belasting ta paga pa e servicio cu douane ta duna. E pagado di belasting tin derecho di haya un servicio corecto. Y douaneronan ta purba traha segun ley, conforme LMA, cu ta regula e derecho y debernan di ambtenaarnan. Derecho ta bon pa tin, pero e mester corda ariba e deber tambe.
Pa locual ta Sr. Maduro, el a saca hopi informacion secreto di Douane afo. E containerscan ta un di nan. Pero Sr. Roderick Croes, director di Aduana, cu tin regla, mester traha conforme regla. Of Sr. Croes ta duna informacion na prensa y te con leu, bisando kico e ta bisa na prensa. Y esunnan cu por papia na nomber di Douane, ta haci esaki cu permiso. Naturalmente, Sr. Eduard Maduro ta haci uzo di e hecho di cu e ta e lider di sindicato, e ta bay duna su opinion. Pero no ta tur cos tin cu bay den prensa. Ora di bay den prensa, e ta trece panico den prensa, ta trece confusion den prensa, cu na parecer di Sr. Croes, mester wordo papia paden. Hopi biaha e ta bisa di cu sindicato ta transparente, e ta sinta na mesa. Y Sr. Croes ta bisa cu su portanan ta habri. Ta keda na Sr. Maduro.
Segun Sr. Croes, den un cuerpo tur ta traha hunto. Y mester tin respet. Mester por yega na otro y sinta papia. E ta nenga rotundamente di tin algo personal contra di Sr. Maduro. Como directro di Aduana y como ambtenaar, e ta haci su trabao manera debe ser, na manera corecto y nan tarea ta pa economia sigui draai. Nos economia ta vulnerable di ningun manera. Tanto e control mester wordo bon haci, pero tambe tene cuenta con e economia ta draai. Den control di container, mester traha mas eficiente y pa esaki lo bin cu les na brokernan. Duna les na e douaneronan. Tambe nan tin un sistema nobo, cu ta bezig ta upgrade. A institui un Risk Management Team, cual un miembro di SADA ta forma parti di dje, ya cu nan ta forma parti di Douane cu tin cu haci e trabao, sin leak nada afo. Ta esakinan ta esunnan cu ta cambia y analisa tur e datonan cu ta haya di comercio, tur e cifranan cu nan ta haya. Ta nan ta analisa tur cos, unda e control mester bay, etc.
E Risk Management ta haciendo un bon trabao. Na Vrijmaking, tambe e douaneronan ta haciendo bon trabao. Si varios biaha, e recursonan ta limita, y mester haci e trabao cu loke tin. Ta haci e trabao pa pueblo cu ta e pagado di belasting cu ta paga nan salario y cu nan mester haci e trabao lo miho posibel. Te asina leu, Sr. Roderick Croes, director di Aduana.