Pa loke ta e pasonan si haya algo ilegal den un container, director di Douane, Roderick Croes, a splica cu lo sigui proceduranan normal. Ta mescos cu un hende normal cu a haya algo ilegal, cu ta tuma e pasona necesario. Ta haci uzo di un container scan cu ta similar na un container controle di un hende, solamente cu e ta wordo haci electronicamente.
Esaki ta mescos cu den e caso di por ehempel droga of arma, Douane Recherche ta tuma over y e ta bay conhuntamente cu polis. Kisas e por tin di haber cu remedi ilegal. Mescos awor aki, si haya remedi ilegal ta tuma contacto cu Inspectien Geneesmiddelen, e ora nan ta tuma over. Si ta di carni, tur autoriddanan concerni ta wordo yama di biaha, segun Croes.
Pa loke ta e responsabilidad, manera e ta den nos ley, e agencia y esun cu ta trece ta responsabel. Aki por spreek aan tur dos partido. Pero e investigacion lo bay saca afo ken ta esun cu tin cu wordo yama pa esaki.
Te awor aki esaki ta wordo haci por nada. Douane, den su ley, tin e kosten en dienstverlening. E parti di Container scan ta algo nobo pero si e lo por wordo incorpora den e parti di dienstverlening cu Douane ta duna. E no ta barata, segun Croes. E mantencion ta hopi caro, pero e beneficio cu e ta bay duna y e eficiencia cu e lo bay tin, lo bal e prijs.
Depende con grandi e waf ta bay bira, por busca un mas, pero esey ta depende. Ta depende di hopi importacion, pero di un otro banda, ta mara aki na ley di ISPS tambe y e leynan di ISPS por bin cu mester bay controla e containernan aki. Den e caso aki ta controla containernan cut a sali y ISPS por reglamenta tambe cu tur container cu ta sali, tambe mester wordo controla, segun Croes.