Maria Dijkhoff Pita directora di Departamento di Economia Aruba tabata presente durante entregamento di certificado na tur esnan cu a aporta na IDEA y Expro Desk. Sra Maria a duna di conoce cu e ccursonan di IDEA y Expro Desk a bay hopi bon unda a organisa diferente curso y workshopnan hunto cu training pa nos comerciantenan chikito of personanan cu tin interes pa cuminsa cu negoshi y esaki a bay hopi bon. Nos ta hopi contento mes cu e acogidia cu tanto e unidad di IDEA y Expro Desk unda nan tin dos meta diferente, IDEA ta mas pa duna e partinan basico ora bo kier cuminsa cu un negoshi y tur locual ta parti di administrativo, marketing business plan, y Expro Desk ta pa esnan cu kier cuminsa exporta y bo tin un producto y servicio y kier cuminsa e pasonan pa exporta y nos ta compañabo y guiabo den esaki. Tabata tin varios comerciante chikito cu a tuma e iniciativo aki cu a haci e curso aki y ta tumando coachnan di tanto exterior y local pa exporta nan productonan. Nos ta hopi satisfecho cu nos cursonan y tin hopi participacion y ta agradecidonan na tur e companianan cu a contrubui cu nos pa por haci e curso y training nan aki posibel, sin nan IDEA y Expro Desk no por a logra esaki debi cu e personanan ta voluntario y ta bin y no ta cobra nos y tin di nan ta presenta varios biaha den aña pa duna curso y ta purba na haci esaki separa. Tin diferente departamento di Gobierno ta yuda nos e.o Santa Rosa, Labor, Impuesto, Cultura, Douanne tambe tin parti importante pa duna e curistanan cu ta contribui cu nos.
Sra Maria a menciona na prensa tambe nos lo haci e bunita gesto di dunanan un certificado di gradicinan, debi sin prensa nos no ta wordo conoci ey fo y boso ta esnan cu ta hiba e mensahe cu tin un unidad di IDEA y Expro Desk na departamento di asunto economico cu por yuda nos comerciantenan chikito pa haya informacion necesario, y cu esaki nos kier gradici bosonan.
E mes un atardi Sra Maria Dijkhoff Pita a gradici su coleganan di otro departamento cu semper a duna un man na e coleganan di IDEA y Expro Desk na momento cu nan tabata tin mester ayudo cu informacionnan durante e cursonan cu a tuma luga den 2019.