Si algo pasa cu un turista crucero, hopi biaha ta yama APA pa trata turista. Si ta algo cu el a bira malo, ta APA nan ta wak ariba. Jossy Figaroa, director di APA, ta splica cu e manera cu nan ta traha cu polis ultimo añanan ta hopi bon y ta pone cu nan ta tira bista regularmente unda e turistanan ta move y hendenan cu ta molestia nan, ta wordo kita for di caminda. A palabra cu mester bin un caminda cu e turistanan no ta crusa na boshi, sino riba e zebrapad so. Pesey lo bay bin un heki caminda cu DOW lo bay cu un diseño. Aunke cu e heki aki lo bay ta pafo di e tereno, toch APA lo bay inverti den dje pa motibonan di siguridad. Tin auto cu tin pura y ora cu hende crusa auto por dal hende y esey sigur ningun hende no kier.
E parti di siguridad pafo ta hopi importante pa no tin ningun hende ta bay atraca un di e turistanan aki. Si un turista ta cana na Hudishibana of unda e ta cana, no solamente turista crucero, pero e otronan tambe, si e wordo atraca, ta hopi mal nomber nos ta haya. Nan ta bay papia y pone den survey. Cada algo malo cu pasa, e efecto ey lo ta masha grandi mes y e turista por cataloga Aruba como unsafe. A base di survey cuanto hende ta bin Aruba, pa motibo cu nan a tende cu Aruba ta bon. E ora ey si sa cu e mesun tanto hende ey por bay tende cu na Aruba a horta algo, of na Aruba a atraca, bo no por ta stima Aruba. Nos tur cu ta biba akinan, mester wak si bo ta wak algo ta bay robes, purba di yuda pa preveni cu esey no ta bay sosode, segun Figaroa.