Di parti di AZV a ofrece mayornan di Baby Luna pa haci algun test na Colombia pa por tin un miho bista riba e salud di e mucha, director di AZV, Anko Ringeling a comenta.
Ringeling a splica cu AZV tabata dispuesto pa cubri gasto haciendo un evaluacion di e estado actual di Luna na Fundacion Cardiovascular na Colombia. Te ainda no a haya reaccion riba e proposicion eynan. AZV a trece dilanti si cu e mayornan. Ta bon tambe pa elabora un tiki riba e parti aki, segun Ringeling.
E por a lesa comentario di e mayornan cu ta bisa cu AZV no ta tene cuenta cu e derechonan di Luna. Tur decision di AZV, por wordo evalua, apela dilanti un hues. Tur decision por apela pa cuminsa cerca un comision LAR cu ta algo pa esun cu ta entrega un apelacion asina. Bo no mester di un abogado, ni nada. Bo mes por pleita bo caso. Esey ta LAR. Si ta algo cu ta bisa cu e tin cierto urgencia, mester tin un decision lihe, cu por cuminsa un caso sumario cerca un hues. Tur decision cu AZV ta tuma, por wordo reevalua door di un hues. AZV mes ta kere cu nan a tuma e decision na un manera prudente door di conseho cu nan a tuma. Pero si e mayornan toch ta kere cu AZV no a tene cuenta cu cierto derechonan di baby Luna, nan por apela e decision di AZV manera cu Ringeling a splica.