Directiva nobo di Fundacion Parlamento Hubenil a wordo instala

Ayera e directiva nobo di Fundacion Parlamento Hubenil a wordo instala pa 2020-2023. Pa e occasion aki e fundacion a haci uzo di e sala di parlamento y minister president a wordo invita pa hiba palabra. Minister President Evelyn Wever-Croes  gradici miembronan di FPH pa accepta e responsabilidad aki, participacion di hobennan ta algo hopi importante den gobernacionnan awendia segun prome minister a expresa.

Den presencia di parlamentarionan y presidente di parlamento, a inicia e ceremonia cu nos himno nacional. Minister di Asuntonan Social, Glembert Croes tambe tabata presente y hiba palabra un rato na e occasion tan special aki. El a expresa cu e ta un honor grandi como minister pa por ta envolvi cu parlamento hubenil. “Den cuadro di e tratado di derecho di mucha, tin un principio sagrado cu nan ta exigi pa mira mas, esey ta e participacion di hobennan den defini nan propio destino”, segun Minister Croes a expresa.

Presidente di Parlamento, Ady Thijsen tambe a hiba palabra un rato expresando cu nos mester stima, respeta y sostene nos muchanan y hobennan, ‘esey pa mi ta e fundeshi’, e presidente a subraya.

Comments

comments