Dialuna nochi Directiva di Centro di Bario y Deporte Dakota a tene su prome Reunion General. Esaki ta den cuadro di e prome aña di e Directiva. E meta principal di e Reunion General ta pa informa miembro, no miembronan y e bario di Dakota tur detaye di locual a pasa den e prome aña aki.
A presenta e Relato Financiero caminda tur presente a haya e oportunidad pa lesa e jaarverslag 2023. E Relato Secretario y palabra di e Presidente tambe a haya oido di tur presente caminda a presenta proyectonan cu a tuma luga y cu lo continua den e proximo 12 lunanan. Y pa sera e reunion, a duna e Programa Leider di e club su momento pa e presenta actividadnan cu e a organisa y mustra den mesun rosea locual tin den pipeline.
Directiva di Centro di Bario y Deporte Dakota ta duna un danki pa tur cu a tuma tempo pa yega nos club y ta interesa pa sa kico ta pasando den nos club.
