Directie Volksgezondheid, a splica cu den temporada di vakantie hopi hende ta gusta biaha bay afo. Tin algun area specifico den nos region ta keda confronta cu e virus yama Gele Koorts. E ta un virus hemoragico, cu ta wordo transmiti pa hende door di un sangura ta e sangura Aedis Aegipty, cu ta transmiti e malesa di Zika, Dengue y Chikinguya.
Actualmente na Aruba no tin niun caso di Gele Koorts. Sra. Ychelle Simmons, Communicatie Adviseur di DVG, ta splica mas ariba e caso aki, di e paisnan caminda cu Gele Koorts ta presente. Tambe a hiba palabra Sra. Arnelda Els, trahando como verpleegster na Dienst Besmettelijke Ziektes, cu ta encarga cu e vacunacion di biaheronan, cual ta hopi importante.
Por ultimo Sra. Clarianne Croes, Beleidsadviseur na Directie Volksgezondheid a pone enfasis ariba e hecho cu Gele Koorts no ta un malesa mes leve cu Zika, Dengue of Chikinguya. E sintomanan por ta por lo general ta bin despues di un paar di dia.
https://www.facebook.com/masnoticia/videos/1512841758753407/