Durante un entrevista cu Keila Helder cu ta trahador social di Directoe Ouderenzaken a informa cu lo tin varios evento den luna di maart. Debi cu nos ta enfoca riba adulto mayor nos ta bay haci diferente evento un di nan ta 8 di maart unda lo bay tin diferente nutricionista pa papia di salud mental, parti salud y nutricion. Ta bay tin un mini klas pe adulto mayornan, y e invitacion ta pa tur t’ey entre 10’or pa 12:30 merdia y e cupo ta limita. Por registra na 2805004. E evento aki lo tuma luga na MCB cu ta keda banda di Chalet Suisse pariba di Eagle Beach.
Riba 14 di maart lo tin un presentacion cu un nutricionista pa duna charla di diferente malesa cronico y cu por keda preveni y lo ta di 9’or pa 12’or merdia y tambe por registra y cu lo tuma luga na John F Kennedy Cafe.
Y 28 di maart hunto cu fundacion movimento ta bida tambe lo tin charla y tambe lo haci parti movicion cu ta importante pa adulto mayor.
