Diploma riba nivel di HBO di Hulanda por wordo cumpra na Qatar

LEEUWARDEN – Departamento di Enseñansa lo ta haciendo un investigacion riba un filial di NHL Stenden, unda cu por cumpra ‘puntacionnan halto’, segun NRC Handelsblad. “E filial na Doha ta lucha contra di nepotismo, fraude cu tentamen y examen”, segun e corant. Un ex trahado di e scol lo a entrega un denuncia contra di e scol na Inspectie. E scol lo ta na altura di esaki desde 2014, pero no a haci nada pa stop esaki.
Fusieschool NHL Stenden, cu 24 mil studiante y 2 mil trahado, ta cay net pafo di e top 10 di e universidadnan mas grandi di Hulanda.
PAPEL TIN MAS BALOR
Segun e ex trahado cu a fungi como informante, un ‘diploma di Stenden na Qatar ta bal menos cu e papel ariba cual e ta geprint’. No tin niun control ariba e calidad y e seriedad di e problema ta ‘un secreto publico na Leeuwarden’.
E presidente di e hunta Erica Schaper a declara na NRC cu ‘enseñansa di calidad’ ta wordo duna na Qatar. Un ex miembro di e hunta a bisa cu’n investigacion independiente no a trece e problemanan aki den luz publico.
E corant ta skirbi ariba un email di despedida di un docente Suizo na Stenden Qatar. Eyden e homber ta conta over di studiantenan cu no ni sa con pa traha cu’n wordprocessor, manera MS Word, tocante tentamennan di cual puntonan ta wordo hisa na un manera inexplicabel y cu ‘mas di 20 studiante’ cu lo a duna placa of regalo na trahadonan, a cambio di puntonan halto.
E homber aki tambe a huy di Stenden Qatar, pero hopi otro docente no ta haci esaki. Nan ta mara an Doha, door di nan visa di trabao y e salarionan halto.
E collegegeld pa Stenden Qatar ta di casi 15 mil euro pa aña escolar. Desde aña 2000 cerca di 800 studiante procedente di 40 pais a haya un diploma universitario “acredita na Hulanda, riba tereno di turismo y International Business.

Comments

comments