Durante un conferencia di prensa, Sr. Haime Croes, director di Departamento di Infrastructura y Planning, a splica cu nan lo kier yuda tur hende pa tur hende ta exitosamente den e aspecto di campamento. Naturalmente cu reglanan pa proteha nos medio ambiente.
Pa añanan largo DIP a drumi un tiki y el a duna Cuerpo Policial basicamente tur autoridad, mientras cu mester compronde cu e maneho nobo cu ta bin awo pa e proximo aña, lo haya un overgang di un asina yama, cu Polis ta haci’e e aña aki y otro aña hunto cu tur cuater departamento lo bay sigui haci esaki.
Croes a sigui bisa, cu pa loke ta campamento, mester haci’e na un manera ordena y responsabel. Y den e caso aki, tin diferente leynan cu mester tene cuenta cun’e. Den e ‘overgangsregeling’ actual, ta papia cu pa otro aña lo kier introduci e asina ‘precario’ cu ta mara na uzo di tereno. Tur esaki ta wordo haci pa ta responsabel pa loke ta medio ambiente. Pa loke ta trata medio ambiente, Sr. Gisbert Boekhoudt, tambe tabata presenta pa amplia mas ariba e aspecto di medio ambiente, regelnan cu pa tene cuenta cun’e.
Semper ariba e beachnan ta haci uzo di ‘viviendanan temporal, cierto careteranan, y den e cuador aki Sr. Marlon Croes, di DOW lo trata e punto aki. Y pa loke ta siguridad, Sr. Lito Lacle, vocero policial, lo tuma esaki over.
En corto, Sr. Haime Croes a splica cu e aña aki DIP lo cana hunto cu polis y DNM pa haya tur e voorschriftennan cu tin pa otro aña haci’e mescos y kisas un poco mas nobo, pa e cana manera cu mester ta, algo manera kavel pa carnaval. Pero den reunion lo discuti mas amplio ariba dje.
Normalmente ya caba ta cobra pa un vergunning pa campamento. Pero lo bay check ariba tur e aspectonan aki y e idea ta pa haci e campamento exitoso pa tur hende, pero na tur momento teniendo cuenta cu nos medio ambiente.