Dinamarca a elimina restriccionnan di COVID

Dinamarca a dicidi di elimina uzo di tapaboca paden den luna di juni y desde prome di september, a kita e limitacionnan pa eventonan grandi y a habri discotecanan.

Por bisa cu desde awe Dinamarca a bolbe na normalidad después cu a elimina e ultimo restriccionnan imponi debi na e pandemia di coronavirus, siguiendo e anuncio realisa na final di augustus door di gobierno.

E desaparicion di e restriccionnan tabata programa pa prome di october, pero a wordo adelanta tres sian debi cu autoridadnan ta considera e epidemia controla y door di e nivel halto di vacunacion bou di e poblacion, cu ta mas cu 73%.

A pesar di eliminacion di e restriccionnan, ainda ta necesario presenta un paspoort di COVID pa drenta algun luga.

E exigencia ey a disparce awe, fecha riba cual ta vence e categorisacion di coronavirus como un malesa critico pa sociedad, cu a causa introduccion di hopi restriccion y cu su eliminacionnan tabata wordo exigi door di mayoria di e partidonan.

Dinamarca tin un di e cifranan di vacunacion mas halto na mundo: 75,7% di e poblacion total a cuminsa e proceso (mas cu 86% di esnan 12 aña bay ariba)  y 73,1%, a  completa esaki, segun e ultimo datonan oficial.

E tasanan di casonan nobo pa 100 mil habitante e ultimo 14 dianan ta 192,35, di acuerdo cu e Centro Europeo pa Prevencion y Control di Malesa, mientras cu e ocupacion hospitalario ta keda na nivelnan modera.

Un poco mas di 2.600 persona a muri door di COVID-19 cu un tasa di mortalidad di 44,70 pa 100 mil habitante, segun e reconteo di universidad Mericano John Hospkins, e un cuarto parti cu Spaña y un di e cifranan mas abou di Europa.

 

Comments

comments