DIMP lo habri hasta diasabra na Januari si ta necesario pa pago di impuesto pa vehiculo di motor

Pa locual ta pago di impuesto di vehiculo di motor, den Januari 2021 nos por spera cu hopi hende ta bay paga na mes momento mirando cu por ehempel bo ta haya hopi hende cu lo opta pa fiesta e dianan aki, y trata impuesto pa siguiente luna.

Departamento di Impuesto su sistema di pago manera menciona, na tur MFA por sosode cu Debit card solamente. Esaki tin un bon acogida cu contribuyentenan, e servicio ta bay mas lihe cu ora di paga cash. Pa januari 2021 lo posiblemente habri hasta diasabra si esaki ta necesario pa por procesa pagonan di impuesto di vehiculo di motor.

“Nos lo kier si pa contribuyentenan compronde cu nos tin cu cuminsa paga na tempo, no warda te na ultimo momento pasobra e ta trece frustracion pa bo mes,” segun directora di DIMP, Luenne Gomes-Pieters.

Si bo yega netamente riba un of dos dia, of riba ultimo dia cu por paga na final di januari, claro lo tin hopi hende, y mester tene cuenta cu mester mantene na reglanan di Dvg pa cu distanciamento social. No lo por permiti un tanto cantidad di hende na mes momento den nan salanan, dus mester haci uzo di oportunidadnan cu tin awor, pago Online tambe ta posibel pa esaki.

“Si bo paga Online, bo por pidi bo recibo tambe via nos website. Hopi cliente ta wardando riba esakinan, nos ta procesando tur recibonan aki na un manera digital, nos ta email e pago parcial cu e cliente a haci.”

DIMP a cuminsa na tempo cu cobransa di impuesto pa vehiculo di motor 2021, nan kier pa contribuyentenan tambe ta na tempo, mester cuminsa custumbra cu tur esaki ta basa riba terminonan legal. No ta DIMP ta stipula esaki. Pero nan tarea si ta pa informa na tempo, facilita esaki y duna informacion corecto.

Comments

comments