Sra Kathy Ruiz Paskel di DIMAS den un entrevista a menciona cu Minister di Husticia den diferente di su conferencianan di prensa a informa un programa di regreso boluntario y e programa aki ta netamente dirigi riba migrantenan cu ta na Aruba sea contra nan boluntad awor aki ta na Aruba debi cu frontera a cera relaciona cu e medidanan relaciona cu COVID, of migrantenan cu ta na Aruba caba seapa status regular of iregular awor aki tin deseo di bay nan pais boluntariamente. A cuminsa cu un registracion y por subi riba www.dimasaruba.aw y bo ta scoge bo idioma y busca pa regreso boluntario y tin un documento cu mester keda yena y asina pone bek den e pagina web y den e prome fase nos ta haya esaki y un idea di e interes di cuanto hende kier bay bek nan pais. A haya diferente nacionalidad cu kier bay bek nan pais, y mayoria ta personanan di Venezuela y esei ta e fase cu nos ta na dje, Sra Kathy Ruiz Paskel a informa.
Si ta un persona cu a pidi pa asilo y a haya un negociacion tambe por aplica, si e persona tin algo andando na DIMAS lo mester kita e peticion pa esaki pasa. Si ta un persona cu tabata tin estadia na Aruba y ba keda y mester tene na cuanta cu momento cu traha riba e programa y lo acopla un periodo cu bo no por bolbe Aruba.
Tambe tin un number di telefon cu por yama 2811010 y por yama y tin un team su tras cu ta contesta pregunta y guiabo con pa yena e documento.