DIMAS lo acerca Ministerio Publico a base di peticionnan cu nan haya tocante e comportacion di parti hudicial di un persona cu tin permiso of den proceso pa un permiso. Sra Kathy Paskel, directora di Dimas ta splica.
Si tin remarcanan, DIMAS lo haya esakinan y esaki ta un motibo pa por nenga e permiso pidi. Ta asina caba, cu tin ley ta bisa cu nan momento cu bo tin un permiso valido y si bo haya bo mes confronta cu husticia cu por trek in e permiso si e ta pa un castigo incondicional pa mas di tres luna. Esey ta e norma tambe cu DIMAS lo aplica.
Tocante e anochi di informacion pa e proyecto DREAMERS, mayornan cu no tin permiso na ordo, DIMAS lo por duna informacion pa ki trayecto pa cana pa nan por regla e permiso na manera regular. Pero e mayor mes no lo cay bou di proyecto DREAMERS. Y nan mester zorg pa nan permiso ta regla y lo atende tur dos na un forma paralelo e ora.
Por a sinti cu hopi di hendenan cu a bin e anochi di informacion prome, tin nan permiso pega. Sra. Paskel a splica cu nan semanalmente ta midi nan produccion y aworaki nan nan tin 80% cu nan ta atende den 12 siman, cu ta e periodo cu nan tin pa ley, pa atende. Nan meta ta pa e ta menos. Pero si cu loke ta diferente cu e otro añanan ta, cu e percentahe di negacion a subi. Dus un persona cu no haya un si, kisas e ora e tin cu cana e trayecto di apelacion y hasta bay hues. En principio DIMAS a duna contesta, no mas cu e no tabata uno positivo. Esey ta afecta con hende ta percibi e parti di DIMAS. Pero nan ta midi nan mes y nan ta cumpliendo pa un 80% den e termino stipula pa ley.
Ley ta stipula den 12 siman, por extende pa otro 12 siman. E informacion cu ta circula cu tin hopi caso habri, esey no ta e caso. Si bo a haya un contesta NO, esey ta un manera cu pa DIMAS, e ta un caso cera.
DIMAS ta traha cu e cantidad di permiso, dus e parti di cuanto ilegal tin y si esaki ta zorg pa hendenann no sali, esey ta algo cu nan ta atende cun;e tambe, cada un cu nan tarea. E parti di handhaving ta un tarea primordial di Warda Nos Costa. Ora di haci control na cierto empresanan, ta topa cu hendenan cu no tur ora tin nan permisonan na ordo. Esey ta trece consecuencia pa e persona mes, pero e tin consecuencia pa e dunado di trabao cu tin e ilegal den servicio.
DIMAS tin nan leynan y e rekisitonan na cual e hende tin cu cumpli cun’e. Es cu cumpli cun’e lo haya permiso y esun cu no cumpli cun’e no ta haya permiso. Esey ta e guia ora di tuma decisionnan.
Si un mucha nunca a bay scol, sea door di permiso of door cu e no ta domina otro idioma cu no ta su lenga materno. Si un mucha tin mas di 10 aña na Aruba y si e por mustra cu al menos 5 aña como menor, por lo general e grupo ey e lo por mustra cu e ta na scol.
Como pais Aruba, bo tin diferente reglanan y tratadonan cu ta atene bo mes na dje. Un di e leynan aplicabel na Aruba, ta un di e ley di leerplicht, y bo tin tambe e parti di Tratado di Mucha, cu ta bisa cu no matter e status di e mucha, scol lo mester dun’e admision na esneñansa. Cu tin cierto gruponan, no matter e tratado cu no ta bay scol, e grupo aki tey, y si nan por comproba cu nan t’ey 5 aña como menor na Aruba, nan lo por bin na remarca pa e proyecto aki. Aunke e por ta dificil pa comproba den casonan asina, segun Sra. Kathy Paskel, directora di DIMAS.