Tin hopi persona cu a bini Aruba como turista y pa motibo di e pandemia a keda pega.
E personanan cu a yega como turista a base di un invitacion, mester ta consciente cu e persona cu a manda nan e carta di invitacion – cual ta un proceso cu e persona mester cana – ta e garante pa e persona aki y ta keda responsabel.
Ningun di nos a pensa cu e pandemia lo a yega Aruba, pero esaki a pasa. Y si bo a invita un persona pa bin pasa vacantie, bo a extende su estadia, el a keda, e pandemia a yega y situacion a bira dificil na Aruba, e persona tin di regresa su pais bek, DIMAS ta subraya cu e gastonan di repatriacion ta responsabilidad di e garante. Vocero di DIMAS, Marilyn Wout a splica cu pais Aruba no por cubri e gastonan aki pasobra e ta imposibel. Personanan cu tin un status legal, cu tin un permiso pero ta desea di repatria, nan por indica na DIMAS na momento nan tuma contacto cu nan riba e deseo pa regresa bek nan pais, of si a paga deposito DIMAS lo facilita esaki. Lo intermedia cu departamento di finansas pa asina nan por haya e devolucion di e placa di e deposito bek pa asina cubri e ticket, y e restante nan ta hay’e cu nan por biaha cu ne.
https://www.facebook.com/masnoticia/videos/375558340152420/