Un cliente cu no ta di acuerdo cu un desicion tuma door di DIMAS riba su peticion di permiso tin e derecho di entrega un carta di obhecion. E cliente por entrega su obhecion digital solamente via di e e-helpdesk riba e website di DIMAS www.dimasaruba.aw.
E cliente tin un termino di tempo di 6 siman pa e entrega un carta di obhecion desde e fecha cu ta para riba e desicion “Beschikking” ricibi for di DIMAS via email. Con e proceso ta sigui cana? Una bes DIMAS ricibi e carta di obhecion via di e canal indica, lo procede pa boek esaki den e sistema y e cliente lo ricibi un confirmacion via email cu su carta di obhecion a wordo ricibi.
Evaluacion di Obhecion Na momento cu DIMAS ricibi e carta di obhecion lo bay evalua si e ta entrega den e termino di 6 siman. Den caso cu e carta di obhecion ta acceptabel ta significa cu e persona e entrega esaki den e termino stipula hunto cu tur e rekisitonan necesario pa e por wordo (re)evalua door di e departamento huridico di DIMAS. Si e carta di obhecion wordo declara no acceptabel pa motibo cu e la wordo entrega mucho trempan of mucho laat e cliente lo ricibi un carta for di DIMAS via postkantoor y via email. Cu e carta aki e cliente por bay corte. LAR Si e carta di obhecion a wordo entrega na tempo pero e no ta cumpli cu e minimo di rekisitonan cu ta necesario pa e caso wordo (re)evalua, e caso lo wordo manda pa comision di LAR cu lo bay trata e caso. Comision di LAR lo duna DIMAS un conseho y DIMAS lo tuma un desicion final a base di e conseho ey. Si e persona no ta di acuerdo cu e desicion tuma, e por bay corte dentro di 6 siman desde e fecha di e desicion.
Casonan Frequente Mayoria di biaha cu DIMAS ricibi carta di obhecion ta casonan cu por wordo re-evalua a base di hechos y circumstancianan nobo presenta. Motibonan frequente cu por wordo re-evalua door di DIMAS na 2020: · E cliente a logra entrega e documentonan cu tabata haci falta hunto cu su carta di obhecion por ehempel e documento di DPL. · E cliente por a demostra cu e la cumpli cu e pago door di e manda e comprobante di pago. Mayoria di bes ta pasobra e cliente a paga di un otro forma cu DIMAS no a indica y e pago no por a wordo “cleared” door di Departamento di Impuesto. Plaso di desicion Segun e ley y maneho DIMAS tin 12 siman pa duna e cliente un respuesta riba un carta di obhecion.
Den caso cu ta necesario esaki por wordo prolonga te na un maximo di 24 siman en total desde e fecha cu e carta di obhecion a wordo entrega. Resultado Na momento cu un carta di obhecion cana su proceso y wordo evalua e cliente lo ricibi un desicion positivo of negativo. E desicion final lo wordo manda pa e cliente via di e emailadres cu e la registra den su peticion. Pa mas informacion por bishita nos website www.dimasaruba.aw y pa entrega un Carta di obhecion por haci esaki unicamente di forma digital via di nos e-helpdesk Bezwaar/ Objecion / Appeal.
Con pa entrega un obhecion
Cada aña DIMAS ta ricibi alrededor di 15.000 peticion di permiso. Den aña 2019 nos a ricibi un total di 14,983 peticion di cual 2,227 a wordo nenga. Pa e aña 2020 te cu awor nos a ricibi un total di 8,145 peticion di permiso, di cual 1,134 a wordo nenga. Nos kier informa clientenan kico ta e pasonan cu nan por tuma na momento cu nan no ta di acuerdo cu un descicion di permiso por ehempel cu e permiso wordo nenga.
Con y unda por entrega e Obhecion? Na momento cu un persona ricibi un respuesta riba su peticion di permiso y e no ta di acuerdo cu e desicion cu DIMAS a tuma. Den e caso aki e persona por entrega un obhecion “bezwaar” dentro di e termino di 6 siman cuminsando for di e fecha cu ta para riba e desicion “Beschikking” ricibi via email for di DIMAS. Clientenan cu ta desea di entrega un obhecion por entrega esaki solamente di forma digital via di nos e-helpdesk Bezwaar/Obhecion/Appeal riba nos website www.dimasaruba.aw.
E cliente ta yena e formulario completo y correcto y ta agrega/upload su Carta di Obhecion. Kico ta e rekisitonan di un Carta di Obhecion? 1. Nomber y adres di e doño di e permiso. Si a e ta wordo representa door di un tercera persona e mester inclui e nomber y adres di e representante autorisa. 2. Indica cua ta e desicion “Beschikking” riba cual e persona ta entrega un obhecion riba dje, door di entrega un copia di esaki hunto cu su Obhecion. 3. E persona ta splica e motibonan pakico e no ta di acuerdo cu e desicion di DIMAS. 4. Pone e fecha riba e Carta di Obhecion. 5. Firma di e doño di e permiso of den caso cu e representante no ta un abogado cu ta inscribi na Hof, mester agrega un carta di apoderacion. Clientenan cu manda nan carta di Obhecion di e forma correcto lo ricibi un email di confirmacion for di e departamento huridico di DIMAS. Pa mas informacion con pa entrega un Bezwaar/Obhecion/Appeal por bishita nos website www.dimasaruba.aw of pa entrega un bezwaar por direct na nos e-helpdesk riba nos website.
https://www.facebook.com/masnoticia/videos/2863760237170106/