Un grupo grandi di comerciante a drenta Parlamento di Aruba diamars mainta cu pancarta y demostra nan disgusto. Nan a subi ariba y topa cu prome minister Mike Eman y asina duna nan palabra di disgusto na e mandatario. A bisa e mandatario cu nan ta cansa cu pa mas cu 1 aña caba ta cansa di keda haya promesa falso di parti Gobierno pa cu e caya cera y kier habri esaki. A haci tanto fanfaria December di habri caya y laga autonan drenta y awor na 2017 auto no por pasa mas. Prome Minister a bisa e comerciantenan cu lo bay kita e klem.
Comerciante Gibs den parlamento a topa cu mandatario Eman y a comenta cu nos ta un pais turistico y no mester sigui haci e turista nan vakantie uno malo pa cu e caya grandi y e klem, y Prome Ministeri Eman a bisa cu e klem no ta sigui, y nos ta departamento legal pa traha riba un opcion pa elimina e klem ey, asina Sr Eman a comenta den parlamento diamars mainta.
Sr. Ricardo Croes di RED a duna su palabra na e mandatario Eman. Croes a bisa cu ta imposibel cu awe prome Minister kier Papia asina un smile despues cu 53 negoshi a cera y mas di 400 hende a perde trabou y con bo por tin un sonrisa asina, y pami e ta un sonrisa falso y e ta un sonrisa di manipulacion politico y cu awe comerciantenan mester reuni pa expresa na bo persona e mal maneho di bo Gobernacion poniendo un banda e conseho di raad van advies y algemene rekenkamer y di tur experto y mas cu 400 empleado a perde nan trabou.
Mas comerciante a duna nan palabra di disgusto na Sr. Eman, y asta Presidente di Parlamento Sra Mervin Wyatt Ras a bin dilanti pa scucha e comerciantenan.