Dijendrick Croes un hoben di Aruba studiando na Broward College na Fort Lauderdale, Florida y alabes un estelar den e ekipo di baseball di Broward College a ricibi un invitacion masha special fin di November. Den 2016 e Spring Season di College a inicia Januari y a termina fin di Mei. Florida ta wordo reparti den 4 conferencia y na final e 4 campeonnan lo topa otro pa e titulo di full Florida. Broward College a logra titula campeon di Southern Conference di Florida y a ricibi un etiketa pa hunga pa titulo maximo di full Florida cual a tuma lugar na Lake Land, Tampa contra e otro Collegenan cu a titula campeon den nan divicion unda Broward a keda poko cortico.
Dijendrick Croes den categoria como “Freshmen” como cu hungadornan den nan prome aña ta wordo categorisa como freshmen a sa di bira e primera base estelar durante campeonato. Den 60 wega regular Dijendrick a hunga 47 partido ricibiendo 152 turno na bate batiendo 49 hit bon pa un averahe di 322 terminando na segundo lugar all over di su College y prome luga como “Freshmen”. Tambe Dijendrick a bati 10 doblete, 2 triple, 1 homerun, 26 RBI y a wordo golpia na 9 ocasion pa pitchernan contrario cu un on base percentage di 435. FCSAA cu ta Florida College System Activities Association a duna e merito maximo na Dijendrick Croes cu e premio di “All Academic” first baseman di Florida. E premio di “All Academic” tin 2 rekisito hopi importante esta cu Bo puntonan na School mester ta sublime y bo performance den season mester ta super bon. Un otro logro den 2016 ta e hecho cu den votacion di tur coachnan den Florida State pa e “All Conference first baseman” pa e All Star Game Dijendrick Croes a gana cu voto preferencial como e best “All Conference first baseman” y asina Dijendrick Croes tabata e starter di henter Florida entre Collegenan y a bay di 4-2 den All Star Game fin di October ultimo. Dijendrick ta un studiante y atleta cu ta traha masha duro. Por tuma nota cu e ta na scol 5 bes pa siman y na veld di acuerdo cu protocol di training di Broward College 6 bes pa siman. Dialuna pa diasabra 2:30pm pa 6pm.
Alabes anochi sea den studiehall of den batting cage. Recientemente Dijendrick Croes hunto cu un colega di team Chris Cabrera un sobrino di Gloria Estefan tabata tin e honor pa atende un cena di Thanksgiving na Star Island Miami Beach na residencia di e kerida artista Gloria Estefan. Aki E a comparti e anochi cu entre otro Emilio Estefan casa di Gloria y tambe Lili Estefan prima di Emilio e famoso presentadora di Univision y diferente otro celebrities. Segun Dijendrick esaki tabata un experiencia hopi special y inolvidabel. Dijendrick Croes ta yegando Aruba e siman aki y lo regresa prome siman di Januari pa prepara pa su di dos season oficial cu Broward College. Exito sigur na tur nos yiunan di tera cu ta haciendo nan esfuerso pa bay dilanti aportando asina na nan propio futuro.