Digicel Business Solutions recientemente a haci un donacion di 35 rugtas na cuerpo di Ambulance Aruba di manera cu nan por warda nan material di trabao. E donacion aki ta un muestra di gradecimento pa e trabao duro cu nan a bin ta haci, riesgando nan bida pa tene Aruba sano brindando yudanza na tur cu den e momentonan aki tin mester.
Digicel Business Solution ta sigui traha duro y ta comprometi pa tene comercio di Aruba conecta den e tempo dificil aki. Di acuerdo cu Pablo Carmona, di Digicel Business Solutions ta nan compromiso manera semper, pa duna servicio di manera cu tur doño di empresa bo por dedica na nan empresa. Digicel Business ta ofrece solucionnan facil y practico pa implementa rapidamente den e trayecto di COVID-19. Clientenan por sigui disfruta di entre otro internet cu speed halto, mobile internet of Mi-Fi, conectividat y seguridad den coneccion pa tur trahado laborando for di cas riba e red di e respectivo empresa. Tambe Digicel Business Solutions ta ofrece telefon di oficina cu opcion pa bira mobile pa tur trahador cu mester labora for di cas. Digicel Business Solutions ta asigna un account manager pa cada empresa di manera cu nan tin support henter dia. E account manager tin conocemento di e tipo di empresa y e servicionan y/o solucionnan cu tin mester pa cada empresa respectivamente.
Riba fotonan adhunto momento cu Digicel Business Solutions a haci e donacion na Ambulance Aruba. Digicel ta suplica clientenan y comunidad di Aruba pa haci uso mas tanto cu ta posibel di su servicionan online, y pa sigui instruccion oficial di Gobierno di Aruba.