Segun presidente di e sindicato, e meta di congreso ta pa cumpli cu e responsabilidad pa duna cuenta na e congreso, na tur e shopstewardnan cu ta representa e miembronan den e diferente sectornan y sigur un relato cu ta hopi importante pa duna ta e relato financiero. Den e caso aki ta aprobando pa e relato di e sindicato cu ta atras cun’e y tin cu aproba 2015. Esey lo tuma luga den comienso di e aña, segun cu ta calcula y aproba e presupuesto 2017.
A discuti’e full caba y tabata tin algun sugerencia cu a bin dilanti. Esaki lo wordo aproba diaranson. Loke ta atende tambe ta tur e trabaonan cu e sindicato ta haci den e diferente situacionnan manera atende keho, asistencia huridico, negosha contratonan colectivo, representa FTA localmente y internacionalmente y tambe den e diferente comisionnan cu FTA ta representa. No solamente FTA, sino e clase trahado y asina ey ta duna tur e informacion na e trahadonan y di nan banda nan tin chens pa trece tur nan preocupacion, nan critica, nan sugerencianan dilanti, pa asina ey tene cuenta cu nan. Coregi loke tin cu coregi, propone y bin cu resolucion pa asina atende den e temponan cu ta bin, sigur den 2017. Un punto cu ya caba a bin dilanti, cual ta bon pa menciona, ta e asina yama ombudsman.
Na Aruba a papia hopi di ombudsman. Den congreso constitucional di 2015 a trata esaki como tema. Sa cu na Corsou, ombudsman ta funciona. Lamentablemente na Aruba politiconan a trata esaki, nan a pasa e ombudsman pa mucha, segun cu tin entendi den Parlamento. Maske cu tin un necesidad grandi na Aruba, politiconan no ta pone esaki como prioridad. Ta un punto cu a bin dilanti.
Tambe tin e preocupacion di e situacion cu lo bay presenta na momento cu si e refineria habri, kico lo por ta e condicion of problemanan cu e trahado den e sector aki lo por topa, Dirksz a splica.
Essakinan ta algun di e diferente puntonan cu a wordo treci padilanti durante congreso extraordinario di sindicato FTA.