Willemstad Curacao: E dianan aki outoridatnan ta mas skèrpi ku nunka pa esnan ku ta bini for di laman, subi tera i keda ilegal riba nos isla. Esaki sigur ta konta pa e Venezolanonan dor ku situashon no ta masha di deseá na nan pais. Outoridatnan a haña un tip ku den Baracudastraat na Marie Pampoen den un kasita/flèt tin vários ilegal i pa kolmo a ripara ku poko poko mas ta bini aserka. Tabata djaluna alrededor di 1:15 di atardi ora e promé patruya a yega mesora a pidi asistensia di kantidat di unidat mas yega na e sitio mirando ku tabatin 8 persona latino sin papel. Di e 8 persona nan aki, 3 tabata menor di edat. Ta sospecha ku tin tabatin un par di dia kaba i tin ku a kaba di yega via laman nos isla. Outoridatnan a tuma nan pasport den beslag i a hiba nan tur 8 pa e departamento di imigrashon i nan lo sigui atendé ku e kaso aki pa asina wak di ki forma ta deportá e persona nan aki.