Miles di manifestantenan, arma, cu ta pro Donald Trump ta planeando algo rond US Capitol den proximo dianan mientras ta acerca inauguracion di Joe Biden como presidente di Merca, segun informacion di un miembro di congreso cu a wordo informa dialuna riba un serie di menasanan nobo contra legisladornan y edificio di US Capitol.
‘Nan ta papiando di mas o menos 4,000 ‘patriota’ arma cu lo rondona US Capitol y preveni cualkier Democratico pa drenta e edificio,” segun Rep. Conor Lamb, un Democrata di estado Pennsylvania a bisa CNN. Tambe por a compronde cu FBI a saca un comunicado na unda ta informa riba esaki tambe cu tin manifestacionnan planea na tur 50 estado di Merca den e siguiente dianan nos dilanti, acercando e dia di inauguracion cu ta 20 di Januari, na unda awor tin hopi preocupacion cu lo tin confrontacionnan pisa e dianan nos dilanti.
Fuente: CNN