Diasabra den careda di 3:30 marduga Centro di Alarma 911 a keda informa cu tin un candela riba e caminda di Piedra Plat altura di e brug, e unidad di bombero a presenta basta lihe na e sitio y topa cu algun tire na candela. Asina a combati e candela y hala e sushinan ponenan banda di caminda pa no ta un obstaculo pa trafico. Rato despues nan ta keda informa cu riba e caminda na Cumana pariba di ex Codemsa tambe tin candela y Polis tambe a presenta y a cuminsa basha santo riba e candela, pero un bisiña a sali pafo cu hamchi cu awa y purba na paga e candela. Pero e truck di brandweer a presenta lihe y asina e bomberonan a logra domina e candela. Ni 20 minuut despues Centro di Alarma ta keda informa cu riba e caminda di Avenida Milo Croes pariba di stadion na Dakota tin tirenan pega na candela. Aki bomberonan a presenta drenta accion pa combati e candela aki y hala e sushinan pone banda di caminda.