Diabierna atardi na Camara di Comerio un conferencia a keda yama y sr. Fernando Dirksen di AFBA tabata sinta hunto cu diferente gremionan unda a manda un carta pa Gobierno relaciona cu e reforme fiscal. Basta asociacion y sindicatonan a uni den un solo bloke y a firma e carta oficial di preocupacion. E ta relaciona cu e tax y e btw cu Gobierno kier introduci y cu lo keda introduci 2023 e consecuencia di e tax aki lo tin consecuencia drastico riba administrativo, comercio, empleadonan y dunadonan di trabou. Te cu dia di awe Gobierno no a duna suficiente informacion y oportunidad pa tur esnan den comercio y stake holders pa un estudio di loke ta wordo introduci. Opinion di tur esnan uni ta pa haya mas informacion di esaki pa wordo considera prome cu introduci esaki. E no ta algo oficial ainda cu por a compronde pero esaki ta pone cu nos ta pensa cu no ta realistico pa cuminsa 1 Januari 2023, y mester di mas tempo pa e steakholdersnan prepara y sa momento cu esaki bin na vigor. Steakholdersnan ta di opinion cu e reforma fiscal aki mester simplifica e belasting y e sistema combina cu e hisamento di belasting y e cortamento di gasto den gobierno. Door di esaki nos ta declara pa no implementa ningun forma di belasting y ni hisa e belasting te ora cu nos haya suficiente tempo pa analisa y duna un opinion den esaki. Esnan cu ta presente y parti di e carta ta bezig ta instala un comision di tres experto pa analisa e reforma fiscal cu ta biniendo y lo determina financialmente y economicamente y consecuencianan social cu lo tin door di un reforma asina aki.
Tambe sr Dirksen a menciona cu e comision aki lo trece sugerencia y consehonan realistico di e reforma fiscal y miho pa Aruba su beniestar den un largo corto. Asina a keda firma riba 15 di augustus 2022 pa tur e asociacion y sindicatonan cu a uni cu e comercio.