Mayoria persona al menos un biaha den nan bida a bay na un di botica reconoci pa ta mas economico y na alcance di tur, pa busca un receta medico. Pero, bo sa cual ta e diferencia entre remedinan generico y esunnan similar? Si, tin un diferencia.
E escena aki por resulta familiar p’abo: bo ta bay dokter, bo ta sali cu bo receta, bo ta yega na botica, bo ta entrega bo receta, te ora cu bo haya sa cuanto e ta costa. Aunke pa bo salud, e ta mas un inversion cu’n gasto, realidad ta cu no ta tur ora tur hende por pag’e. Eynan ta unda cu ta cu bo ta pensa pa cumpra remedi generico of algo parecido.
Ban papia di remedi
Bo sa cu remedi ta un pildo, siroop of capsula cu ta yuda den trata un malesa. Pero di kico nan ta wordo traha? Generalmente, di un of varios principio activo (cu lo mester zorg pa bo cura), y substancianan inactivo of un hulpstof cu ta sirbi pa duna e remedia, consistencia, forma y sabor.
E remedinan conoci como “di marca” ta un proceso di investigacion di un farmaceutico, di cual e ta protegi pa un patente y cu p’ esey, solamente un laboratorio por fabrica esaki cu a desaroya esaki durante e tempo cu e ta dura, y despues di tempo lo por duna obheccion contra esakinan.
Y despues, e generico y similarnan ta bin den pantaya. Nan ta contene e mesun tipo di activonan.
Diferencia entre remedi generico y similar
Siguramente bo a scucha cu “nan ta mescos pero mas barata”. Sin embargo, aunke ambos ta contene e mesun principio activo cu esun patenta, no ta mescos pa eligi un remedi similar cu no ta generico. Dicon?
Bo a yega di tende e termino generico intercambiabel, e ta e forma corecto di yama e genericonan, ya cu segun informaicon publica den e buki “Farmacologia general. Un guia di estudio”, esakinan a pasa pruebanan di intercambialidad, demostrando di ta igual of ekivalente na e producto patenta, esaki door cu nan ta conta cu e mesun substancia activo, via di administracion y concentracion.
En cambio, e remedinan similar no a pasa e pruebanan aki, pa cual, aunke cu nan tin e mesun principio activo y cantidad, nan no ta wordo considera intercambiabel, pues su preparacion of aditivo por varia di forma di con e farmaco (remedi) ta funciona den bo curpa.
Resumiendo, aunke e remedinan similar lo por funciona (hopi biaha esaki ta e caso), si bo kier tin mas siguridad di cu nan lo cumpli cu nan mision, miho eligi un generico intercambiabel. De facto, specialistanan ta recomenda no uza similar, ya cu aunke nan no ta dañino pa salud, su efectividad no ta garantisa.
Asina ta, cu pa siguiente biaha cu bo mester di cumpra un remedi, eligi uno generico intercambiabel, ya cu según e comision Federal pa proteccion contra Risico Sanitario (Cofepris), nan ta conta cu e mesun calidad, siguridad y eficacia cu esunnan patenta.