CARCASSONE, Francia- Diestres persona a muri den inundacionnan repentino den e zuidoost di Francia, AFP a informa.
E yobidanan fuerte cu a cay den e zona, cerca di Carcassonne, a pone e riunan pasa over cual a provoca inundacionnan den varios localidad den e parti zuidoost di e pais, cu a lastra auto, dañando camindanan y provoca cu casnan ta cay den otro.
Segun informenan, den algun hora a registra un cantidad di precipitacionnan ekivalante na tres luna di yobida.
Autoridadnan a manda helicopter y 600 bombero pa yuda den e operacionnan di rescate, particularmente e riu Aude, cu yega su nivel mas halto den shen aña. Den e localidad di Trebes cerca di Carasconne, e awa di riu Aude a subi cu ocho meter den solamente cinco hora.
Miles di persona a wordo evacua den e zona di Pezens, debi na e miedo di cu un dam local lo por pasa over.