CALIFORNIA, Merca- Al menos 13 persona a muri den un avalancha diamars, den e condado di Santa Barbara, den e parti zuid di California. Ainda tin mas di 20 persona desapareci. E echonan aki ta debi na un fuerte tormenta invernal cu a azota e area e anochi prome, segun medionan local a informa.
Ademas, 300 persona mas a keda pega den Romero Canyon, den e localidad Moncetio di e mesun condado. Servicionan di rescate ta trahando caba pa rescatanan. Segun autoridadnan local, den oranan di marduga di diamars, un fluho catastrofico di piedra y lodo a tuma luga den e zona, cu ta wordo trata como zona di rescate. Den algun zona di e ciudad di Burbanki, e condado di Los Angeles, residentenan a haya orden di evacuacion obligatorio door di e peliger eminente di e avalancha. E zona afecta door di avalancha ta hay’e confronta tambe cu e ruptura di un tuberia maestro di gas y e caida di liñanan electrico.
Fuente: https://actualidad.rt.com