Al menos 18 gorila di Zoologico di Atlanta a test positivo pa COVID-19, segun trahadonan a informa diamars.
E zoologico di Atlanta a anuncia e prome resultadonan positivo entre su gorilanan oriental siman pasa diabierna, despues cu empleadonan a constata cu e animalnan tabata tosa, nanishi ta core y a mustra cambio den nan apetit. Un laboratorio veterinario di Universidad di Georgia a revela cu e animalnan a test positivo den e analisisnan riba malesanan respiratorio.
Laboratorio Nacional di Servicionan Veterinario, na Ames (Iowa), a confirma cu te na e momentonan aki al menos cuatro di e testnan di e gorilanan a resultado positivo pa e variante delta di coronavirus, nan a informa e prome dia.
Nan a señala cu no ta existi evidencia cu e gorilanan por transmiti e virus pa sernan humano y cu e bishitantenan ta demasiado leu pa wordo infecta door di e animalnan. Nan ta kere cu un trahado cu no tabata mustra sintoma y cu ta cuida e gorilanan a transmiti pa nan e malesa. E trahado ta completamente vacuna y tabata uza ekipo di proteccion personal, incluyendo tapaboca y handschoen.
E zoologico ta bay vacuna e gorilanan cu un vacuna di animal cu nan tabata sperando for di prome cu nan a bira malo caba.
Na januari caba ocho gorila di Parke Safari di Zoologico di San Diego a wordo atendi pa presencia di coronavirus.